Fem bedehusforeiningar i Klepp kommune mista kulturstøtta etter at kommunen i 2021 vedtok nye retningslinjer for tilskot:
«Organisasjonen må rekna alle medlemmar/deltakarar som likeverdige når det gjeld å kunne veljast til styre, tillitsverv og posisjonar, uavhengig av samlivsform, seksuell orientering, kjønn eller etnisitet»,
Men kommunen har ikkje handsama saka til bedehusorganisasjonen godt nok, meiner Statsforvaltaren i Rogaland, som slo fast at vedtaka til klagenemnda i kommunen var ugyldig. Kommunedirektøren er samd.
Dei folkevalde derimot, er delte.
Hovedutvalg for kultur og utvikling gjekk inn for å halde på retningslinjene, trass i kommunedirektøren si tilråding.
Måndag var det kommunestyret sin tur til å sei sitt.
Fleirtalet stemte for å fjerne det omstridde punktet. 18 stemte for og 13 imot.
Endeleg punktum er dermed sett i saka.
For dei fem bedehusforeiningane betyr det at dei kan få støtte på lik linje med andre organisasjonar.
